Çfarë nuk ju mëson universiteti për kërkimin e punës?

Në Shqipëri por edhe në botë ka mijëra individë të kualifikuar, me përvojë në tregun e punës, dhe thjesht një diplomë universiteti nuk mjafton për të gjetur punën e ëndrrave. Pa diskutim, universiteti të jep njohuritë e nevojshme, por ka disa mësime që mund ti mësosh vetëm nga këshilluesit e karrierës që do të garantojnë suksesin në kërkimin e punës.

Këto janë katër këshilla të cilat do të ndihmojnë të jesh një hap para aplikantëve të tjerë. Lexoji me vëmendje këshillat e këshilluesve tanë të karrierës, është hapi i parë drejt punës tënde të ëndrrave.

1.Si të krijosh lidhjet e duhura

Sa prej jush kanë krijuar një profil në LinkedIn sepse ju kanë thënë se sa e rëndësishme është? Une e kam bëre! Por, a dimë me të vërtetë se si të përdorim lidhjet dhe rrjetin e lidhjeve në avantazhin tonë?

Fillimi i bisedave me kontaktet që kemi mund të jetë pjesa më e vështirë. Një mënyrë e thjeshtë mund të jetë të bërit e pyetjeve informative, me ndonjë prej kontakteve që të intereson. Këto biseda zhvillohen midis teje dhe një punonjësi të një kompanie për të cilën je i interesuar. Sigurohu të bësh pyetjet e duhura. Këto mund të jenë psh: për të mësuar më shumë rreth kompanisë, ndonjë pozicion vakant apo për të dëgjuar përvojat e tyre në kompani. Ki parasysh të mos kërkosh diçka nga dikush në pikën fillestare të komunikimit. Kjo mund të perceptohet si diçka jo e këndshme për personin me të cilin je duke kontaktuar. Sigurohu që të ndërtosh në fillim raport me kontaktet e  tua përpara se të kërkosh ndonjë favor.

Gjithashtu, mos harro fuqinë e lidhjeve kur takohesh fizikisht. COVID-19 e bën pak më të vështirë tani, por ki parasysh ta nisësh me këmbën e mbarë kur takon grupe njerëzish që nuk njeh. Asnjëherë nuk e dini se çfarë lidhje mund të gjesh.

2. Rëndësia e eksperiencës së punës, jo vetëm mesatare të lartë

Ndërsa je në universitet, të mësojnë se mesatarja është faktori kryesor për t’u punësuar, por kjo është pak larg nga realtiteti. Edhe pse nota mesatare është një e dhënë e rëndësishme, menaxherët e punësimit marrin në konsideratë edhe universitetin ku ke studiuar, dinamikat e vitit shkollor, aktivitetet jashtë universitetit që mund të kesh bërë etj. Kështu që fillo të kuptosh rëndësinë e përvojës së punës që është një tregues më i mirë për një kandidat sesa mesatarja e notave. Përvoja tregon një nivel ambicie dhe dëshirë për të pasur sukses dhe tregon më shumë për aftësinë e një aplikanti për të përmbushur qëllime të caktuara në kompani.

Shpesh ajo që të mësohet në universitet nuk është ajo që kërkohet në punë, kështu që është e rëndësishme të tregosh aftësi praktike nga jetën reale në cv-në tënde. Kur të fillosh  të shtosh përvojën e duhur të punës në cv, ti do të diferencohesh nga aplikantët e tjerë.

Për të fituar këtë përvojë pune, ndërsa je në universitet është e rëndësishme të kërkosh në mënyrë aktive për internship apo edhe projekte të vogla që lidhen me fushën tënde Internshipet nuk janë të kufizuara vetëm për studentët me mesatare të lartë, kështu që nëse shikon një rol që të përshtatet, apliko!

3. Përshtate CV-në sipas pozicionit të punës

Do ishte shumë e lehtë të kishe një cv që përshtatet për çdo pozicion pune. Nëse nuk  e rregullon cv-në sipas pozicionit që aplikon mund të ulësh shancet për punësim. Krijo strukturën dhe formatin e duhur për cv-në dhe ruaje gjithmonë në PDF. Bëj ndryshimet e duhura dhe përdor fjalët kyçe për çdo pozicion pune. Kjo kërkon kohë nga ana jote por do ta ndihmojë rekrutuesin të kuptoj sa përputhesh ti me rolin e punës.

4. Gjej një këshillues karriere

Nëse kërkon këshilla dhe udhëzime për të qenë i sukseshmën në karrierën tënde, gjej një këshillues karriere. Ai do të vendosi eksperiencën, idetë dhe njohuritë e tij në shërbimin tënd me qëllim që ti ecësh përpara. Këshilluesi i karrierës jep udhëzime individuale për këdo që do të bëj ndryshime në karrierë apo do ta nisi atë. Ti duhet të paguash një çmim për ta patur një këshillues, por investimi ja vlen. Ai do të mësojë mënyrën se si të ecësh përpara në tregun e punës dhe të dallosh nga aplikantët e tjerë. Ne në Ekspert Lane kemi këshillues karriere me eksperiencë, që mund të ndihmojnë të nisësh karrierën që ke ëndërruar.